Anche quest’anno, come ormai consuetudine, Luserna ha ospitato, per un breve periodo degli artisti. Ormai è tradizione, che nei mesi estivi, il nostro paese diventi meta di musicisti, attori, registi e altri artisti, che a modo proprio, apprezzano e godono delle bellezze e delle infrastrutture del nostro territorio. Quest’anno a organizzare ben tre eventi nel giro di poco più di una settimana è stata la scuola di musica roveretana “UpDoo!”. Quindici musicisti di tutti i generi musicali e provenienti da tutta Italia si sono ritrovati proprio a Luserna per creare una composizione musicale collaborativa il cui ricavato verrà impiegato per promuovere progetti di sviluppo sociale tramite la musica nelle zone di Cuba e nel Burundi.  ’Z soinz aromài vil sümmar boda Lusérn un soine struktùre khemmen genützt zo macha arte: a bòtta pinn musicisti vo Firenze, dena pittan bånde vo Tria, vert peng in film “Résina” un haür vodar schual vo musìk vo Rovràit. Da lest boch vo sunjo vil artisti soinse bokhent atz Lusérn zoa zo partecipàra att drai eventi, alle pittar musìk, augerichtet vodar musìkschual “UpDoo!”. Dar earst evento iz gest “GuitarCampus”, an kurs zo spila di kitàrr odar in pianoforte un zo singa, disar kurs iz gest offe alln, vor di lusérnar un vor di turìstn o: un håm partezipàrt 70 laüt affn tage. Da zboate offnung iz gest a “Workshop” vo liuteria: vünf musicisti håm gehatt di possibilità auzomachanen sèlbart di kitàrr. Dar lest okkasióng, iz pròprio da sèll bobar bölln kontàrn daz mearaste umbrómm ’z iz an iniziativa boda schauget in futuro un boda helft in laüt mindar gelükh baz biar. Si hoazt “Kapuzinerstrasse” un iz a comunità vo musicisti bodase treffan alle di djar a par tang zo macha kreatif musìk, zo süacha naüge modi z’ spila soine stumenti un z’ schraiba an cd, alle in kompanjia, åna limiti un zo sperimentàra naüge forme vo musìk. Disar cd, dena, bart khemmen vorkhoaft un ’z gèlt bart khemmen gètt dar associazione Onlus Spagnolli-Bazzoni boda iz nå auzorichta ettlane musìkschualn in Burundi un a Cuba. Dise schualn håm azpe mission da sèll zo lirna di musìk in armen laüt vo dise lentar un auzolega naüge plètz vo arbat. Disar schümma projèkht zoaget ke, pittar musìk un pitt alln in arti matmase divertìrn, intrattenérante di laüt matma o helvan in åndar laüt in soi earde. Ma speràrt ke Lusérn mage hèrta ospitàrn dise iniziative un ke an tage, magari, ünsar lånt magat khemmen an centro vor di musìk: da alt, da sèll von ünsarn traditzióng un zung, da sèll vodar khirch un alle di åndarn snebln vodar musìk sociale, sperimentale, von futuro un vodar gåntzan bèlt o. 

Giada von Galèn